Moitas veces escoitamos falar de queixas dos veciños polo ruído producido polas aeronaves, estes días moitos ferroláns vivímolo en carne propia. O portaavións "Príncipe de Asturias" estivo estes días atracado na nosa cidade facendo manobras e poñendo as aeronaves que alberga a pleno funcionamento. Entre outras manobras, un helicóptero estivo a nos sobrevoar continuamente facendo un ruído claramente molesto para os veciños. Persoalmente non teño nada en contra de que estes militares fagan misións de tipo topográfico, que é segundo a "Voz de Galicia" o que estaban a facer, pero unha cousa e acercar o zoom da cámara para sacar as fotos e outra acercar o helicóptero para ver mellor o chan, estanche tolos estes españois. Vale que teñamos unha base, vale que fagan as súas prácticas noso territorio pero outra cousa moi diferente é que pasen rozando os noso tellados desta forma, se fora un helicóptero doutro exército non tal vez non me queixara tanto, pero e que estes militares demostraron xa ser malos pilotos. Por vos por algún exemplo, en Afganistán xa morreron varios que ían en helicópteros por mor de ir moi en voo rasante e soprar unha racha de vento forte que os fixo perder o control, pois aquí fan o mesmo, tan só hai unha diferenza e é que en Afganistán non sopra o Nordés e aquí si. Menos mal que marcharon, concédoos son capaces de escarallarme o tellado.

Author: bardodovinho
Keywords: Galiza Ferrol Militares Cova Céltiga Bardo do vinho
Added: February 15, 2008